बिहि, मंसिर ५, २०८१
४ वर्ष पहिले
मुम्बई — भारतको लागु औषध नियन्त्रण ब्युरो (एनसीबी) ले बलिउड अभिनेत्रीहरु दीपिका पादुकोण, साराअलि खान र श्रद्धा कपुरसँग शनिबार सोधपुछ गरेको छ । शनिबार बिहानै एनसीबी कार्यालय पुगेकी दिपिकालाई करिब ३ घण्टा सोधपुछ गरेको थियो । त्यसपछि पुगेकी श्रद्धासंगपनि सोधपुछ गरेको थियो र अहिले सारासँग सोधपुछ जारी रहेको भारतीय संचार माध्यमले जनाएको छ ।
यस अघि अर्की अभिनेत्री रकुलप्रित सिंह तथा दीपिकाकी म्यानेजर करिश्मा प्रकाशसँग शुक्रबार बयान लिइएको थियो । उनीहरुको एक ह्वाट्सएप ग्रुपमा ड्रग्सको प्रयोगबारे संवाद भएको भन्दै यसबारे सोधपुछ गर्न लागिएको बताइएको छ ।
अभिनेता सुशान्त सिंह राजपूतको मृत्यु पछि बलिउडमा ड्रग्स प्रकरण बाहिर आएको छ । जसमा बलिउडका चर्चित अभिनेत्रीहरू फसेका छन् भने चलचित्र निर्माताहरू पनि यस मुद्धामा मुछिन थालेका छन् ।(एजेन्सी)
