इण्डियन प्रिमियर लिग (आईपीएल) अन्तर्गत गएराती शेख जायद स्टेडियम आबूधाबीमा भएको खेलमा दिल्ली मुम्बई इन्डियन्स ले राजस्थान रोयल्सलाई ५७ रनको फराकिलो अन्तरले हराउँदै शीर्ष स्थानमा आफूलाई पुगाउन सफल भएको हो ।
टस जितर पहिलो ब्याटिङ गरेको मुम्बईले २० ओभरमा ४ विकेट गुमाउँदै राजस्थानलाई १९३ रनको लक्ष्य दिएको थियो।
मुम्बईका लागि सूर्यकुमार यादवले उत्कृष्ट ब्याटिङ गरेका थिए । सूर्यकुमार ४७ बलमा ११ चौका र २ छक्का सहित ७९ रनमा अविजित रहे। त्यस्तै क्विन्टन डी ककले २३ रन बनाउँदा हार्दिक पान्ड्याले नटआउट ३०, क्रुनाल पान्ड्या १२ तथा कप्तान रोहित शर्माले ३५ रनको योगदान गरे ।
बलिङतर्फ राजस्थानका लागि श्रेयस गोपालले २ विकेट, कार्तिक त्यागि र जोफ्रा आर्चरले समान १\ १ विकेट लिए ।
मुम्बईले जितका लागि दिएको १९४ रनको लक्ष्य पछ्याएको राजस्थान १८.१ ओभरमा १ सय ३६ रनमा अल आउट भयो ।
राजस्थानका लागि ओपनर जस बटलरले सर्वाधिक ७० रनको योगदान दिएपनि एकल प्रयासले टोलीलाई जिताउन पर्याप्त रहेन । त्यस्तै जोफ्रा आर्चरले ११ बलमा ३ चौका र १ छक्का सहित २४ रन बनाउँदा स्टिभ स्मिथ ६ , महिपाल ११ र टम करन १५ रन बनाए ।
बलिङतर्फ मुम्बईका ट्रेन्ट बोल्टले ४ ओभरमा २६ रन खर्चेर २ विकेट लिए । जस्प्रित बुमराहले ४ ओभरमा २० रन खर्चेर ४ विकेट लिए । जेम्श प्याटिनसनले दुई, राहुल चहर र काइरन पोलार्डले एक एक विकेट लिए ।
आज साँझको खेल चेन्नई र कोलकाता बीच हुनेछ ।