शुक्र, अशोज ३, २०८१
४ वर्ष पहिले
एजेन्सी । ग्रीक टापु सेमोसदेखि उत्तरमा पर्ने टर्कीकाे इजिआन तटीय क्षेत्रमा शक्तिशाली भूकम्प गएको छ । अमेरिकी भूगर्भ निकायका अनुसार सात म्याग्निट्युडको भूकम्पको धक्का धेरै टाढा एथेन्स र इस्तानबुलमा समेत महसुस गरिएको छ ।
सात म्याग्निट्युडको शक्तिशाली भूकम्पले टर्कीको इज्मिर शहर आसपासको क्षेत्रका भवनहरूमा समेत क्षति पुर्याएको छ । स्थानीय अधिकारीहरूका अनुसार २० वटा भवनहरू भत्केका छन् । अहिलेसम्म २२ जनाको मृत्यु भएको र ७ सयभन्दा बढी घाइते भएको विवरण प्राप्त भएका छन् । धेरै मानिसहरू पुरिएको हुनसक्ने आशङ्कामा उद्धारकर्ताहरूले खोजी कार्य गरिरहेका छन् ।
अमेरिकी भूगर्भ निकायका अनुसार ७ म्याग्निट्युडको भूकम्पको धक्का धेरै टाढा एथेन्स र इस्तानबुलमा समेत महसुस गरिएको थियो । टर्कीमा भूकम्प गइरहन्छ । सन् १९९९ मा इज्मिरमा गएको भूकम्पमा करिब १७ हजार मानिसले ज्यान गुमाएका थिए ।
