शुक्र, अशोज ३, २०८१
४ वर्ष पहिले
मंसिर १९,स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार २ सय ७२ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ३८ हजार ८ सय ६१ पुगेको छ ।
२४ घण्टामा ८ हजार ३१ जनाको पिसिआर परीक्षण भएको छ । यो सँगै १७ लाख ७१ हजार ९ सय ५० जनाको पिसिआर भएको जनाईएको छ ।
यस्तै पछिल्लो २४ घण्टामा १ हजार ५ सय ७५ जना निको भएका छन् । कुल निको हुनेको संख्या २ लाख २१ हजार ८ सय ४७ पुगेको छ ।नेपालमा कोरोना भाइरस संक्रमित निको हुने प्रतिशत ९२.८७ रहेको छ ।
मन्त्रालयका अनुसार कोरोनाबाट थप १६ को मृत्यु भएको छ । यो सहित नेपालमा कोरोना भाइरसबाट मृत्यु हुनेको संख्या १ हजार ५ सय ६७ पुगेको छ ।
हाल देशभर सक्रिय संक्रमितको संख्या १५ हजार ४ सय ४७ रहेको छ । संक्रमितमध्ये क्वारेन्टिनमा ५ सय ३७ जना रहेको छ ।
