आइत, पुस ६, २०८१
४ वर्ष पहिले
काठमाण्डौं, मंसिर २३ – विश्वकै शिरले सुपरिचित सर्बोच्च शिखर सगरमाथाको उचाइ ८६ सेन्टिमिटर बढेको नेपाल सरकारले घोषणा गरेको छ ।
नेपाल र चीन सरकारले मंगलबार भर्चुअल माध्यम मार्फत एक कार्यक्रम गर्दै एकैसाथ सगरमाथाको नयाँ उचाइ घोषणा गरेका छन । सगरमाथाको नयाँ उचाइ ८८४८.८६ मिटर कायम भएको जनाएको छ । पछिल्लो पटक सर्वे अफ इण्डियाले सन् १९५४ मा मापन गरेको सगरमाथाको उचाई ८८४८ मिटर यस अघिसम्म कायम रहेको थियो ।
परराष्ट्रमन्त्री प्रदीप ज्ञवालीले सगरमाथाको नयाँ उचाइ सार्वजनिक गर्दै नेपालले आफ्नै स्रोतसाधन प्रयोग गरी सगरमाथाको नयाँ उचाइ पत्ता लगाएको समेत कार्यक्रममा जानकारी गराउनु भयो ।
सन् २०१९ मा चिनका राष्ट्रपति सि चिङफिङको नेपाल भ्रमणका क्रममा सगरमाथाको उचाई सयुक्त रुपमा घोषणा गर्ने सहमति भएको थियो । सोही बमोजीम सगरमाथाको उचाई नाप्ने काममा नेपाल र चिनका सरकारी टोली खटिएका थिए ।
