शनि, अशोज ४, २०८१
४ वर्ष पहिले
काठमाडौं : प्रधानमन्त्री केपी शर्मा ओलीले मन्त्रिपरिषद विस्तार गरेका छन्। ओलीले आज थप ६ जनालाई मन्त्री पदको जिम्मेवारी दिएको प्रधानमन्त्रीका सञ्चार विज्ञ रामशरण बजगाईले जानकारी दिए।
जसअनुसार श्रममन्त्रीमा प्रभु शाह भएका छन् भने पर्यटनमन्त्रीमा मणि थापा , शिक्षामा दावा लामा र खानेपानी मन्त्रीमा गौरीशंकर चौधरीलाई जिम्मेवारी दिएका छन्
टोपबहादुर रायमाझीलाई ऊर्जा मन्त्रालयको जिम्मेवारी सुम्पेको छ । पूर्व एमाले तर्फबाट अर्को एकजना पनि मन्त्री बन्दैछन्।
प्रभु साह, मणि थापा र टोपबहादुर रायमाझी पूर्व माओवादी समूहका हुन्। उनीहरु नेकपा विभाजनका बेला प्रचण्डलाई छाडेर ओली समूहमा गएका थिए। माधवकुमार नेपाललाई नेकपाको अध्यक्ष बनाएकोमा साह असन्तुष्ट रहँदै आएका थिए। नेपाल र साह दुवै रौतहटका हुन्।
नवनियुक्त मन्त्रीलाई आजै सपथ खुवाउने तयारी भइरहेको छ।
