शनि, अशोज ४, २०८१
४ वर्ष पहिले
नेपाल कम्युनिष्ट पार्टी (नेकपा)को ओली समूहले पार्टीको चितवन कार्यालयमा ताला लगाएको छ । राष्ट्रिय युवा संघका युवाहरुले पाटी कार्यालयमा ताला लगाएका हुन् ।
युवा संघ र अनेरास्ववियूका युवाहरुले साविकको नेकपा एमालेको मदन आश्रित भवनमा कब्जा जमाएका हुन् । एमाले र माओवादीबीच एकता भएपछि सोही भवनलाई पार्टी कार्यालय बनाइएको थियो ।
सत्तारुढ नेकपामा राजनीतिक फुट आएसँगै ओली समूह जिल्लास्थित पार्टी कार्यालय कब्जामा उत्रिएको छ । प्रचण्ड नेपाल समूह र ओली समूह गरी नेकपा दुई टुक्रा भएपछि कार्यालय कब्जाको घटना बढेको हो ।
