शनि, मंसिर ७, २०८१
४ वर्ष पहिले
पौष २९, स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा ४ सय ४५ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ६६ हजार १ सय ४३ पुगेको छ ।
२४ घण्टामा ४ हजार १ सय ५४ जनाको पिसिआर परीक्षण भएको छ । यो सँगै १९ लाख ९७ हजार ९ जनाको पिसिआर भएको जनाईएको छ ।
देशभर सक्रिय संक्रमितको संख्या ४ हजार ४ सय ३४ रहेको छ । होम आइसोलेसनमा रहनेको संख्या ३ हजार ३ सय २७ रहेको छ भने संस्थागत आइसोलेसनमा १ हजार १ सय ७ रहेको छ ।
पछिल्लो २४ घण्टामा ४ सय १४ जना निको भएका छन् । कुल निको हुनेको संख्या २ लाख ५९ हजार ७ सय ७२ पुगेको छ ।नेपालमा कोरोना भाइरस संक्रमित निको हुने प्रतिशत ९७.६ रहेको छ ।
स्वास्थ्य तथा जनसंख्या मन्त्रालयका अनुसार कोरोनाबाट थप ५ को मृत्यु भएको छ । यो सहित नेपालमा कोरोना भाइरसबाट मृत्यु हुनेको संख्या १ हजार ९ सय ३७ पुगेको छ ।
हाल क्वारेन्टिनमा २ सय ३७ जना रहेको छ । त्यस्तै आइसीयूमा अहिले १ सय ४४ जना र भेन्टिलेटरमा ३५ जनाको उपचार भईरहेको छ ।
