आइत, मंसिर ८, २०८१
४ वर्ष पहिले
माघ-२४, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९९ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ७१ हजार ८ सय ६ पुगेको छ ।
२४ घण्टामा २ हजार ७ सय ९४ जनाको पिसिआर परीक्षण भएको छ । यो सँगै २० लाख ९१ हजार १ सय ६६ जनाको पिसिआर भएको जनाईएको छ ।
यस्तै पछिल्लो २४ घण्टामा २ सय ४८ जना निको भएका छन् । कुल निको हुनेको संख्या २ लाख ६७ हजार ८ सय १२ पुगेको छ । कोरोना भाइरस संक्रमित निको हुने प्रतिशत ९८.५३ रहेको छ ।
मन्त्रालयका अनुसार २४ घण्टामा कोरोनाबाट मृत्यु हुनेको संख्या शुन्य रहेको छ । हाल सम्म नेपालमा कोरोना नेपालमा कोरोना भाइरसबाट मृत्यु हुनेको संख्या २ हजार ३५ पुगेको छ ।
हाल देशभर सक्रिय संक्रमितको संख्या १ हजार ९ सय ५८ रहेको छ । संक्रमितमध्ये क्वारेन्टिनमा ९५ जना रहेको छ ।
