आइत, कार्तिक २४, २०८१
४ वर्ष पहिले
माघ-२६, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ सय ३० जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ७२ हजार ५५ पुगेको छ ।
२४ घण्टामा ३ हजार ३ सय ३३ जनाको पिसिआर परीक्षण भएको छ । यो सँगै २० लाख ९६ हजार ७ सय ५९ जनाको पिसिआर भएको जनाईएको छ ।
यस्तै पछिल्लो २४ घण्टामा १ सय ९४ जना निको भएका छन् । कुल निको हुनेको संख्या २ लाख ६८ हजार २ सय ६६ पुगेको छ । कोरोना भाइरस संक्रमित निको हुने प्रतिशत ९८.६ रहेको छ ।
स्वास्थ्य तथा जनसंख्या मन्त्रालयका अनुसार कोरोनाबाट थप ७ को मृत्यु भएको छ । यो सहित नेपालमा कोरोना भाइरसबाट मृत्यु हुनेको संख्या २ हजार ४५पुगेको छ ।
हाल देशभर सक्रिय संक्रमितको संख्या १ हजार ७ सय ४४ रहेको छ । संक्रमितमध्ये क्वारेन्टिनमा ९२ जना रहेको छ।
