शुक्र, अशोज ३, २०८१
४ वर्ष पहिले
फागुन-२, स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा १ सय ४ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ७२ हजार ७ सय १८ पुगेको छ ।
२४ घण्टामा ३ हजार ५ सय १ जनाको पिसिआर परीक्षण भएको छ । यो सँगै २१ लाख १७ हजार ५० जनाको पिसिआर भएको जनाईएको छ ।
देशभर सक्रिय संक्रमितको संख्या १ हजार ६ सय ४ रहेको छ । होम आइसोलेसनमा रहनेको संख्या ७ सय १३ रहेको छ भने संस्थागत आइसोलेसनमा ८ सय ९१ रहेको छ ।
पछिल्लो २४ घण्टामा १ सय ३१ जना निको भएका छन् । कुल निको हुनेको संख्या २ लाख ६९ हजार ६० पुगेको छ ।नेपालमा कोरोना भाइरस संक्रमित निको हुने प्रतिशत ९८.७ रहेको छ ।
स्वास्थ्य तथा जनसंख्या मन्त्रालयका २४ घण्टामा कोरोनाबाट मृत्यु हुनेको संख्या शुन्य रहेको छ । हालसम्म कोरोना भाइरसबाट मृत्यु हुनेको संख्या २ हजार ५४ पुगेको छ ।
हाल क्वारेन्टिनमा ८९ जना रहेको छ । त्यस्तै आइसीयूमा अहिले ६१ जना र भेन्टिलेटरमा १५ जनाको उपचार भईरहेको छ ।
