आइत, अशोज ५, २०८१
४ वर्ष पहिले
फागुन-१५, आज देशका पहाडी भू-भागका केही ठाउँमा मेघगर्जन तथा चट्ट्याङसहित हल्का वर्षा हुने भएको छ । जल तथा मौसम पूर्वानुमान महाशाखाका अनुसार केही ठाउँमा मेघगर्जन तथा चट्ट्याङ सहित हल्का वर्षा साथै देशका उच्च पहाडी तथा हिमाली भू-भागका एक–दुई स्थानमा हल्का हिमपात हुने देखिन्छ ।
महाशाखाका अनुसार हाल नेपालमा पश्चिमी वायूको आंशिक प्रभाव देखिएको छ । अहिले भने देशका पहाडि भू-भागमा आंशिकदेखि सामान्य बदली रही अन्य भू-भागहरूमा मौसम सामान्यतया सफा रहेको महाशाखाले जनाएको छ । तराईंका केही स्थानहरुमा हल्का कुहिरो/हुस्सु लागेको छ ।
शनिबार राति देशका पहाडी भू-भागहरुमा आंशिक देखि सामान्य बदली रही बाँकी भू-भागहरूमा मौसम सामान्यतया सफा रहने महाशाखाले जानकारी दिएको छ । पहाडी भू-भागका एक–दुई स्थानमा मेघगर्जन तथा चट्ट्याङ सहित हल्का वर्षाको सम्भावना रहेको छ । देशको उच्च पहाडी तथा हिमाली भू-भागका १–२ स्थानमा हल्का हिमपातको संभावना रहेको छ ।
