आइत, मंसिर ८, २०८१
४ वर्ष पहिले
फागुन-१६, स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा ७८ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ७४ हजार १ सय ४३ पुगेको छ ।
२४ घण्टामा २ हजार ५ सय ३२ जनाको पिसिआर परीक्षण भएको छ । यो सँगै २१ लाख ६२ हजार ९ सय ३६ जनाको पिसिआर भएको जनाईएको छ ।
देशभर सक्रिय संक्रमितको संख्या ९ सय ६२ रहेको छ । होम आइसोलेसनमा रहनेको संख्या ४ सय ४५ रहेको छ भने संस्थागत आइसोलेसनमा ५ सय १७ रहेको छ ।
पछिल्लो २४ घण्टामा ८२ जना निको भएका छन् । कुल निको हुनेको संख्या २ लाख ७० हजार ४ सय ७ पुगेको छ ।नेपालमा कोरोना भाइरस संक्रमित निको हुने प्रतिशत ९८.६ रहेको छ ।
स्वास्थ्य तथा जनसंख्या मन्त्रालयका २४ घण्टामा कोरोनाबाट मृत्यु हुनेको संख्या १ रहेको छ । हालसम्म कोरोना भाइरसबाट मृत्यु हुनेको संख्या २ हजार ७ सय ७४ पुगेको छ ।
हाल क्वारेन्टिनमा ६८ जना रहेको छ । त्यस्तै आइसीयूमा अहिले ३२ जना र भेन्टिलेटरमा ८ जनाको उपचार भईरहेको छ ।
