आइत, मंसिर ८, २०८१
४ वर्ष पहिले
चैत्र-६ , स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ सय २५ जना संक्रमित थपिएका हुन् । यो संगै नेपालमा संक्रमित हुनेको संख्या २ लाख ७५ हजार ७ सय ५९ पुगेको छ ।
२४ घण्टामा ३ हजार १ सय ६१ जनाको पिसिआर परीक्षण भएको छ । यो सँगै २२ लाख ३० हजार ७ सय ८ जनाको पिसिआर भएको जनाईएको छ ।
पछिल्लो २४ घण्टामा १ सय २३ जना निको भएका छन् । कुल निको हुनेको संख्या २ लाख ७१ हजार ७ सय ३३ पुगेको छ । कोरोना भाइरस संक्रमित निको हुने प्रतिशत ९८.६ रहेको छ ।
स्वास्थ्य तथा जनसंख्या मन्त्रालयका अनुसार २४ घण्टामा कोरोनाबाट मृत्यु भएको संख्या एक रहेको छ । हालसम्म कोरोना भाइरसबाट मृत्यु हुनेको संख्या ३ हजार १६ पुगेको छ ।
देशभर सक्रिय संक्रमितको संख्या १ हजार १ जना छन् भने क्वारेन्टिनमा ५१ जना रहेको छ ।
