आइत, पुस २७, २०८१
४ वर्ष पहिले
चैत्र-११, चितवन जिल्लाको इच्छाकामना गाउँपालिका मुग्लिनका युवाहरुद्वारा काठमाडौँ नवलपरासी चल्ने लेकबेशी यातायात समितिको ११ वटा गाडी नियन्त्रणमा लिएको छ ।
२०७७ फागुन १ गतेका दिन धादिङको चरौंदीमा लेकबेशी यातायात समितिका बा.३.ख ८४ नम्बरको माइक्रोबस रोकि राखेको ट्रकसँग ठोक्किदा भएको दुर्घटनामा परी मुग्लिन निवासी पुजा लामिछाने सख्त घाइते भएका थिइन् । हालसम्म पनि बिरामी काठमाडौंको मेडिसिटि हस्पिटलमा उपचाररत छन् । उपचाररत बिरामीको खर्च नबेहोरेको भन्दै मुगलिङबासी युवाले सो गाडी नियन्त्रणमा लिएको हो ।
पटकपटक वार्ता गर्दा समेत सो यातायात समितिले बिरामीको उपचार खर्च नब्यहोरेको र हाल बिरामीको उपचार कार्य हस्पिटलले रोकेको हुँदा बाध्यताबश गाडी नियन्त्रणमा लिनुपरेको बिरामीका श्रीमान दिपक लामिछानेले बताए ।
