शुक्र, मंसिर ६, २०८१
४ वर्ष पहिले
चैत्र-१६, नेपालले त्रिदेशीय फुटबलको उपाधि जितेको छ । सोमबार भएको फाइनल खेलमा बंगलादेशलाई हराउँदै नेपालले उपाधि जितेको हो ।
त्रिपुरेश्वरस्थित दशरथ रंगशालमा भएको खेलमा नेपालले बंगलादेशलाई २–१ गोलले हराउँदै नेपाल च्याम्पियन बनेको हो ।
नेपालले दुबै गोल पहिलो हाफमा गरेको थियो । नेपालले १८ औं मिनेटमा सन्जोक राईको गोलबाट अग्रता बनाएको थियो भने खेलको ४१ औं मिनेटमा नेपालका लागि विशाल राईले गोल गर्दै नेपालको अग्रता दोब्बर पारेका थिए ।
खेलको ८२ औं मिनेटमा बंगलादेशका महबुबुर रहमानले बंगलादेशका लागि एक गोल फर्काएका थिए ।
प्रतियोगितामा एक गोल गर्न नसकेको नेपालले आजको खेलमा गोल गर्दै उपाधि जितेको हो ।
त्यसैगरी रोहित चन्द प्रतियोगिताको उत्कृष्ट खेलाडी घोषित भएका छन् । उत्कृष्ट घोषित भएसँगै उनले ५०० डलर नगद पनि प्राप्त गरेका छन्
