आइत, मंसिर ८, २०८१
४ वर्ष पहिले
बैशाख-५, स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा १ हजार ९६ जनाले संक्रमित थपिएका हुन् । यो संगै नेपालमा संक्रमित हुनेको संख्या २ लाख ८३ हजार ६ सय ५८ पुगेको छ ।
२४ घण्टामा ५ हजार ८४ जनाको पिसिआर परीक्षण भएको छ ।यो सँगै २३ लाख ४० हजार ४ सय १७ जनाको पिसिआर भएको जनाईएको छ ।
पछिल्लो २४ घण्टामा ६ सय ९९ जनाको एन्टिजन विधिबाट परीक्षण गर्दा ८१ जना र पिसिआर विधिबाट परीक्षण गर्दा ७ सय ६८ मा कोरोना पोजेटिभ देखिएको छ ।
देशभर सक्रिय संक्रमितको संख्या ६ हजार २ सय ४५ रहेको छ ।होम आइसोलेसनमा रहनेको संख्या ४ हजार ९ सय ६६ रहेको छ भने संस्थागत आइसोलेसनमा ५ सय ७९ रहेको छ ।
पछिल्लो २४ घण्टामा २ सय जना निको भएका छन् । कुल निको हुनेको संख्या २ लाख ७५ हजार ३८ पुगेको छ ।नेपालमा कोरोना भाइरस संक्रमित निको हुने प्रतिशत ९६.५ रहेको छ ।
स्वास्थ्य तथा जनसंख्या मन्त्रालयका अनुसार २४ घण्टामा कोरोनाबाट मृत्यु हुनेको संख्या ५ रहेको छ । कोरोना भाइरसबाट मृत्यु हुनेको संख्या ३ हजार ७५ पुगेको छ ।
हाल क्वारेन्टिनमा ८५ जना रहेको छ । त्यस्तै आइसीयूमा अहिले १ सय १६ जना र भेन्टिलेटरमा ४६ जनाको उपचार भईरहेको छ ।
