शुक्र, अशोज ३, २०८१
३ वर्ष पहिले
बैशाख- १९, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७ हजार २ सय २१ जनाले संक्रमित थपिएका हुन् ।यो संगै नेपालमा संक्रमित हुनेको संख्या ३ लाख ३० जना पुगेको छ ।
२४ घण्टामा १६ हजार ७ सय ७० जनाको पिसिआर परीक्षण भएको छ ।यो सँगै २५ लाख ४ हजार ४ सय ७६ जनाको पिसिआर भएको जनाईएको छ ।
पछिल्लो २४ घण्टामा ६ सय २३ जनाको एन्टिजन विधिबाट परीक्षण गर्दा ७४ जना र पिसिआर विधिबाट परीक्षण गर्दा ७ हजार १ सय ३७ मा कोरोना पोजेटिभ देखिएको छ ।
देशभर सक्रिय संक्रमितको संख्या ४८ हजार ७ सय ७१ रहेको छ । होम आइसोलेसनमा रहनेको संख्या ४५ हजार १ सय ८१ रहेको छ भने संस्थागत आइसोलेसनमा ३ हजार ५ सय ३० रहेको छ ।
पछिल्लो २४ घण्टामा १ हजार ६ सय १२ जना निको भएका छन् । कुल निको हुनेको संख्या २ लाख ८३ हजार ९ सय ९४ पुगेको छ ।नेपालमा कोरोना भाइरस संक्रमित निको हुने प्रतिशत ८४.५ रहेको छ ।
स्वास्थ्य तथा जनसंख्या मन्त्रालयका अनुसार २४ घण्टामा कोरोनाबाट मृत्यु हुनेको संख्या २७ रहेको छ । कोरोना भाइरसबाट मृत्यु हुनेको संख्या ३ हजार ३ सय २५ पुगेको छ ।
हाल क्वारेन्टिनमा ६७ जना रहेको छ । त्यस्तै आइसीयूमा अहिले ४ सय ७७ जना र भेन्टिलेटरमा १सय ३१ जनाको उपचार भईरहेको छ ।
