आइत, मंसिर ८, २०८१
४ वर्ष पहिले
बैशाख-२५, चितवनमा पछिल्लो २४ घण्टामा विभिन्न अस्पतालमा गरी १४ जनाको कोरोना संक्रमणबाट मृत्यु भएको छ ।
जिल्ला स्वास्थ्य कार्यालय चितवनका अनुसार भरतपुर अस्पतालमा ६ जना, चितवन मेडिकल कलेजमा २ जना, कलेज अफ मेडिकल साइन्सेस (पुरानो मेडिकल कलेज) भरतपुरमा ३ जना, क्यान्सर अस्पतालमा १ जना, राप्ती नगरपालिकामा १ जना, माडी नगरपालिकामा १ जना गरी १४ जना संक्रमितको मृत्यु भएको हो ।
चितवनमा हालसम्म कोरोनाबाट एक सय ३७ जनाले ज्यान गुमाएका छन् ।
चितवनमा कोरोनाको संक्रिय संक्रमितको संख्या दुई हजार तीन सय ७ रहेको छ । यस्तै, चितवनका विभिन्न अस्पतालमा २९ जना कोरोना संक्रमितको भेन्टिलेटरमा उपचार भइरहेको छ ।
