बिहि, अशोज २, २०८१
३ वर्ष पहिले
असार १०, चितवनको इच्छाकामना गाउँपालिकाका वडा नम्बर ५ मुग्लिनमा निर्माणाधीन अस्थायी ट्राफिक प्रहरी पोष्ट निर्माणका लागि समाजसेवी तथा नेपाल तरुण दल आबु खैरेनी गाउँ समितिका अध्यक्ष विजय गुरुङद्वारा ढुङ्गा सहयोग गर्नु भएको छ ।
अस्थायी ट्राफिक प्रहरी पोष्ट निर्माण समितिका अध्यक्ष सावित्री पुडासैनीका अनुसार समाजसेवी तथा तरुण दलका नेता विजय गुरुङद्वारा भवन निर्माणका लागि २ ट्रयाक्टर ढुङ्गा सहयोग प्राप्त भएको हो ।
इच्छाकामना गाउँपालिकाले यो अस्थायी ट्राफिक प्रहरी पोष्ट निर्माणका लागि ५ लाख रुपैयाँ बजेट विनियोजन गरेको छ ।
निर्माणाधीन ट्राफिक प्रहरी भवन निर्माण सम्पन्न गर्नका लागि २० लाख भन्दा बढी लागत लाग्ने भएकाले इच्छुक दाताहरुलाई सहयोगका लागि निर्माण समितिका अध्यक्ष सावित्री पुडासैनीले अपिल गरेकी छन् ।
