मङ्ल, अशोज ७, २०८१
३ वर्ष पहिले
असार-३१,कोरोना भाइरस संक्रमणको रोकथाम तथा नियन्त्रणका लागि चितवन जिल्लामा जारी निषेधाज्ञा थप खुकुलो गर्दै साउन ७ गते राति १२ बजे सम्मको लागि थप गरिएको छ ।
चितवन जिल्लामा अझै पनि कोरोना संक्रमण न्यूनीकरण नभएकाले निषेधाज्ञाको अवधि लम्ब्याइएको प्रमुख जिल्ला अधिकारी प्रेमलाल लामिछानेले बताए ।
थपिएको निषेधाज्ञामा खाजा घर, रेष्टुरेन्ट र मिठाइ पसलहरु साँझ ७ बजेसम्म संचालन गर्न पाइने छ ।यसअघि टेकअवे र होमडेलिभरी सेवा मात्रै रेष्टुरेन्टहरुले दिन पाएकोमा अब देखि रेष्टुरेन्टमै ग्राहक राख्न पाइने भएको छ ।
जिल्लामा संक्रमण दर थपघट भएमा निषेधाज्ञालाई थप खुकुलो वा कडाई गर्न सकिने जिल्ला प्रशासन कार्यालय चितवनले जारी गरेको आदेशमा जनाएको छ ।
