बिहि, अशोज २, २०८१
३ वर्ष पहिले
श्रावण १५, चितवन
मुग्लिन हाइवे हस्पिटलले कोभिड १९ बारे जनचेतना जगाउने उद्देश्यले विभिन्न ग्रामिण क्षेत्रहरुमा पुगि निशुल्क स्वास्थ्य परिक्षण गर्न सिविर सञ्चालन गरेको छ ।
पहिलाे चरण अन्तरगत गोरखाको शहिद लखन गाउँपालिका वडा नं. ३ अन्तरगत रहेका निभारे, नयाँबस्ती, तारेडाडा, तीनघरे लगाएतका गाउँहरुमा सिविर सञ्चालन गरेको हस्पिटलका सञ्चालक किशोर गुरुङ्गले बताउनुभयो ।
कोभिडका लक्षण देखिएका १५ जनाको आरडिटि, ४० जनाको भिडियो एक्स्रे र अन्य विरामी गरी जम्मा ७५ जनाको निशुल्क स्वास्थ्य परिक्षण गरेको गुरुङ्ले बताउनुभयो ।
सिविरमा स्वास्थ्य परिक्षण गर्न आउनेहरु मध्ये फिवरकाे विरामी धेरै रहेकाे तर आरडिटि परिक्षणमा सबैको रिपोर्ट नेगेटिभ आएको डा. प्रमोद कोइरालाले जानकारी दिनुभयो ।
त्यस्तै सिविर सञ्चालनकाे क्रममा डा . कोइरालाले कोभिड १९ बाट बच्न के कस्ता उपाएहरु अपनाउन सकिन्छ भन्ने विषयमा सचेतना गराएका थिए ।
गोरखाको विभिन्न गाउहरुमा गरिएको निशुल्क स्वास्थ्य सिविरमा निशुल्क औषधी, मास्क, सेनिटाइजर र थर्ममिटर वितरण गरिएको मुग्लिन हाइवे हस्पिटलका अध्यक्ष राम बहादुर लामाले जानकारी दिनुभयो ।
हस्पिटलले चितवनका इच्छाकामना गाउँपालिका भित्र रहेका विभिन्न गाउँहरुमा पनि निशुल्क स्वास्थ्य सिविर सञ्चालन गरिने अध्यक्ष लामाले बताएका छन् । मुनाफा रहित जनतालाई स्वास्थ्य सेवा दिने उद्देश्यले स्थापना भएकाे यस हस्पिटल विगत २ वर्षदेखि सञ्चालनमा रहेकाे छ ।
