श्रावण २६, कुरिनटार
कुरिनघाट नजिकै आज दुइवटा मोटरसाइकल एकआपसमा ठोक्किदा १ जनाको मृत्यु र २ घाइते भएका छन् । मुग्लिनबाट काठमाण्डौं तर्फ जादै गरेको ना १६ प ५५३१ नम्बरको मोटरसाइकल र विपरित दिसाबाट आइरहेको बा ४६ प ३२० नम्बरको मोटरसाइकल पृथ्वीराजमार्ग अन्तरगत चितवनको कुरिनटार नजिकै चितुवाभिरमा दुर्घटनमा परेको हो । दुर्घटनाका कारण पुतली बजार नगरपालिका वडा नं. ४ बस्ने वर्ष २६ को सुशिल पोख्रेलको पुरानो मेडिकल कलेजमा उपचारको क्रममा मृत्यु भएको जिल्ला प्रहरी कार्यालय चितवनले जनाएको छ । दुर्घटनमा अन्य दुइ घाइते रहेको र उनीहरुको पुरानो मेडिकल कलेज भरतपुरमा उपचार भइरहेको छ । दुर्घटनामा परेका मोटरसाइकललाई इलाका प्रहरी कार्यालय मुग्लिनले आफ्नो नियन्त्रणमा लिएको छ ।