शनि, अशोज ४, २०८१
३ वर्ष पहिले
कार्तिक-७, देशभरिका करिब २७ लाख बालबालिकालाई आज र भोली भिटामिन ‘ए’ र जुकाको औषधि निःशुल्क खुवाउँदै छ ।
स्वास्थ्य तथा जनसंख्या मन्त्रालयले ‘राष्ट्रिय भिटामिन ‘ए’ कार्यक्रम अन्तर्गत छ महिनादेखि ५९ महिना उमेरसमूहका बालबालिकालाई भिटामिन ‘ए’ क्याप्सुल र जुकाको औषधि खुवाउन थालिएको छ ।
सधैँ कात्तिक ३ र ४ गते भिटामिन ‘ए’ र जुकाको औषधि खुवाउँदै आएकामा दसैँ परेकाले कात्तिक ७ र ८ गते खुवाउने भएको मन्त्रालयले जनाएको छ ।
यो कार्यक्रमको लागि देशभरिमा ५२ हजार भिटामिन खुवाउने केन्द्र कायम गरिएको छ भने ५२ हजार महिला स्वास्थ्य स्वयंसेविका परिचालन गरिएको छ।
कोरोना संक्रमणको उच्च जोखिम रहेकाले स्वास्थ्य सुरक्षा मापदण्ड अपनाएर घर नजिकैको वितरण केन्द्रबाट औषधि खुवाउन स्वास्थ्य मन्त्रालयले आग्रह गरेको छ।
