सोम, पुस २१, २०८१
३ वर्ष पहिले
मंसिर-१४, बेलायती राजतन्त्रलाई सर्वोच्च निकाय नबनाउने घोषणा गर्दै बार्बेडोसले बेलायतसँगको औपनिवेशिक सम्बन्ध अन्त्य गरेर पछिल्लो गणतान्त्रिक देश बनेको छ।
क्यारेबियन देश बार्बेडोसले लगभग ४०० वर्षसम्म बेलायतको उपनिवेश रहेर मंगलवारबाट स्वतन्त्र भएको छ ।
सान्द्रा मसोन बार्बेडोसकी पहिलो राष्ट्रपति बनाएकी छन् । मसोनलाई गत साता दुवै सदनको संयुक्त बैठकले राष्ट्रपति छानेको थियो ।
उपनिवेशबाट स्वतन्त्रता पाएपछि बार्बेडोसका मानिसहरू आधा रातमा राजधानीस्थित चेम्बरलिन पुलमा आएर खुशियाली मनाए । गणराज्य बनेपछि २१ तोपको सलामी दिइयो र हिरोज स्क्वेयरमा देशको राष्ट्रगान बजाइयो ।
गणतन्त्र घोषणा समारोहमा प्रमुख अतिथिको रुपमा बेलायतका राजकुमार चार्ल्स उपस्थित रहेका थिए।
सो समारोहमा पप गायिका रेहानालाई राष्ट्रिय हिरोको रुपमा सम्मानित गरेका थिए।
