बिहि, पुस २४, २०८१
३ वर्ष पहिले
मंसिर-२९, नेपाली काँग्रेसको सभापति पदमा शेरबहादुर देउवा विजयी भएका छन् ।
दोस्रो चरणमा भएको निर्वाचनको मत परिणाम अनुसार देउवाले खसेको मतको ५० प्रतिशतभन्दा बढी मत प्राप्त गर्दै जित हासिल गरेका हुन् ।
देउवाले २७३३ मत पाएका छन् भने शेखर कोइरालाले १८५५ मत प्राप्त गरेका छन् । ३५ मत बदर भएको छ ।
कांग्रेस नेतृत्वका लागि सभापतिमा वर्तमान सभापति तथा प्रधानमन्त्री शेरबहादुर देउवा तथा नेताहरू डा. शेखर कोइराला, विमलेन्द्र निधि, प्रकाशमान सिंह र कल्याण गुरुङ प्रतिस्पर्धामा थिए ।
तर सभापतिका कुनै पनि उम्मेदवारले ५० प्रतिशतभन्दा बढी मत ल्याउन नसकेपछि मंगलवार दोस्रो चरणको निर्वाचन गरिएको हो । जसअन्तर्गत सभापतिका उम्मेदवार द्वय शेरबहादुर देउवा र डा. शेखर कोइरालाबीच प्रतिस्पर्धा भएको हो ।
