बुध, कार्तिक १३, २०८१
३ वर्ष पहिले
पुष-८,भारतको पन्जाब प्रान्तको लुधियाना सहरमा अवस्थित अदालतभित्र बम विस्फोट भएको छ । बिस्फोटमा दुई जनाको मृत्यु भएको छ भने अन्य चार जना गम्भीर घाइते भएका छन् ।
स्थानीय समयअनुसार बिहीबार दिउसो करिब साढे १२ बजे अदालतको दोस्रो तलामा विस्फोट भएको थियो ।
विस्फोटबाट अदालत भवनको भित्ता भत्किएको छ । विस्फोट लगत्तै प्रहरीले घटनास्थल नियन्त्रणमा लिएको छ । सो अदालत लुधियाना सहरको मुटुमा रहेको डिस्ट्रिक्ट कमिसनरको कार्यलय नजिक पर्छ । अदालतमा कसले विस्फोट गराएको भन्ने बारेमा केही खुलाइएको छैन् । घटनाबारे प्रहरीले थप अनुसन्धान गरिरहेको छ ।
अदालतमा वकिलहरुको हडताल चलिरहेकोले भीडभाड कम भएको भारतीय सञ्चार माध्यमले जनाएको छ।
