शुक्र, मंसिर ६, २०८१
३ वर्ष पहिले
पुष-१४, मकवानपुरको थाहा नगरपालिका अन्तर्गत सिमभञ्याङ र दामन क्षेत्रमा बिहानैबाट निरन्तर हिमपात हुँदा त्रिभुवन राजपथ अवरुद्ध भएको छ।
जिल्ला प्रहरी कार्यालय मकवानपुरका अनुसार बिहानैबाट सुरु भएको भारी हिमपातले हेटौडा- काठमाडौं जोड्ने त्रिभुवन राजपथको सिमभञ्याङ र दामन क्षेत्रको सडक पूर्ण रुपमा अवरुद्ध रहेको छ।
सो राजमार्गमा सवारी साधन हिउँमा चिप्लिने सम्भावना हुने भएकोले दुर्घटना नहोस् भनेर सडक सञ्चालनमा नल्याएको र नगरपालिकासँग समन्वय गरेर सडक खुलाउने तयारी भइरहेको जिल्ला प्रहरी कार्यालय मकवानपुरले जनाएको छ।
