बिहि, पुस १०, २०८१
३ वर्ष पहिले
पुष-१७, आज राष्ट्रिय नेपाली टोपी दिवस मनाइँदैछ । नेपाली टोपीको प्रवर्द्धन गर्नका लागि अंग्रेजी नयाँ वर्षको पहिलो दिन पारेर यो दिवस मनाउन थालिएको हो ।
शताब्दीऔं देखि प्रयोग भैरहेका बिभिन्न प्रकारका नेपाली टोपीहरुको प्रयोगलाई अझै व्यापक र विश्वमय बनाउने उद्देश्यले नेपाली टोपी दिवस मनाउन थालिएको हो ।
सन् २०१४ जनवरी १ देखि संसारभर ‘मेरो शान, मेरो पहिचान राष्ट्रिय पोशाक संरक्षण अभियान’ भन्ने नारासहित अन्तर्राष्ट्रिय नेपाली टोपी दिवस मनाइँदै आएको छ ।
विशेषतः भाद्गाउँले टोपी र ढाका टोपीलाई नेपाली टोपीका रुपमा लिने गरिन्छ । तर नेपालका विभिन्न समुदायले आ–आफ्नो पहिचान र परम्परा झल्किने खालका टोपी लगाउने गरेका छन् ।
नेपाल बाहिर रहेका नेपाली र नेपालीभाषीहरुले पनि नेपाली टोपी लगाउने गर्छन् ।
