पुष-२९, बिजुलीको पोल सार्न सेवाग्राहीसँग १ लाख ४० हजार घुस लिदै गर्दा नेपाल विद्युत् प्राधिकरणका सब–स्टेसन प्रमुख पक्राउ परेका छन् ।

काठमाडौँ ग्रिड महाशाखा सब-स्टेसन पाटन ललितपुरमा कार्यरत सब-स्टेसन प्रमुख सुपरभाइजर सोमप्रसाद पहाडीलाई अख्तियार दुरुपयोग अनुसन्धान आयोगको टोलीले पक्राउ गरेका हुन् ।

नेपाल बिद्युत् प्राधिकरणले गाडेको बिजुलीको पोल सार्नको लागी सेवाग्राहीसँग १ लाख ४० हजार घुस माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोग टंगालबाट खटिएको टोलीले पहाडीलाई सेवाग्राहीबाट रुपैयाँ लिइसकेको अवस्थामा घुस रकमसहित कार्यालय परिसरबाट नियन्त्रणमा लिएको हो।

अख्तियार दुरुपयोग अनुसन्धान आयोगका प्रवक्ता नारायण प्रसाद रिसालका अनुसार पक्राउ परेका पहाडी माथि थप अनुसन्धान भइरहेको छ ।