माघ-२,आज राष्ट्रिय भूकम्प सुरक्षा दिवस ‘भूकम्पीय सचेतना, सुरक्षित संरचना’ भन्ने नाराका साथ मनाइदै छ।

विक्रम संवत् १९९० सालको महाभूकम्पको स्मृतिमा सरकारले २०५५ सालदेखि हरेक वर्ष माघ २ गते भूकम्प सुरक्षा दिवस मनाउँदै आएको छ ।

नेपाललाई भुकम्पका हिसाबमा अत्यन्तै जोखिमपूर्ण रहेको छ।जमिनमुनिको प्रकोप अथवा भूकम्पीय जोखिमका दृष्टिले नेपाल विश्वकै ११ औँ जोखिमयुक्त क्षेत्रमा पर्छ । काठमाडौं सबैभन्दा बढी जोखिमयुक्त शहरको सूचीमा छ ।

नेपालमा भूकम्पबाट स्कुल तथा अस्पताल बढी असुरक्षित छन् । कमजोर भौतिक संरचना, अव्यवस्थित वस्ती, निर्माण संहिता विपरीतका भवन लगायतका कारणले जोखिम बढाउँदै लगेको विज्ञहरु बताउँछन् ।

नेपालमा अहिलेसम्म गएका भुकम्प मध्ये संखुवासभाको चैनपुरलाई केन्द्रविन्दु बनाएर १९९० साल माघ २ गते गएको ८ दशमलब ४ म्याग्निच्युटको भुकम्पलाई बिनाशकारी मानिन्छ ।

बिक्रम सम्बत १२५५ साल पछिका भुकम्पको अभिलेख नेपालमा राख्न सुरु भएको जानकारहरु बताउँछन् । १३१६, १४६५, १५०५, १७३७, १८३३, १८९०, १९९०, २०४५, २०६८ र २०७२ सालका भुकम्पलाई बिनाशकारी मानिन्छ ।