शुक्र, अशोज ३, २०८१
३ वर्ष पहिले
माघ-१८,नेपाली राष्ट्रिय फुटबल टिमले अफ्रिकी राष्ट्र मरिससमाथि लगातार दोस्रो जित दर्ता गर्न सफल भएको छ।
मंगलबार भएको दोस्रो मैत्रीपूर्ण खेलमा १० खेलाडीमा सिमित नेपालले ९ खेलाडीमा समेटिएको मरिससलाई १-० गोल अन्तरले हराएको हो ।
त्रिपुरेश्वरस्थित दशरथ रंगशालामा भएको तनावपूर्ण खेलमा नेपाललाई जित दिलाउन खेलको १० औँ मिनेटमा सुजल श्रेष्ठले निर्णायक गोल गरे ।
यता, खेलको १३ औं मिनेटमा मरिससका कप्तान एन्डी सोफीले पेनाल्टी नेपालका कप्तान तथा गोलकिपर किरण चेम्जोङले बचाएका थिए।मरिसस पेनाल्टीमा चुक्दा नेपालसँग लगातार हार व्यहोर्यो ।
नेपालका दिनेश राजवंशीले लिन्स्ले बर्सीलाई पेनाल्टी क्षेत्रभित्र लडाएपछि मरिससले पेनाल्टी पाएको थियो।
त्यस बाहेक दुबै टोलीले पाएको अन्य अवसरमा गोल गर्न सकेनन् ।
यस जितसँगै नेपालले मरिससविरुद्ध लगातार दोस्रो जित निकाल्न सफल भएको छ ।शनिबार भएको पहिलो मैत्रीपूर्णमा नेपालले मरिससलाई १-० गोल अन्तरले हराएको थियो ।
