शनि, पुस २६, २०८१
३ वर्ष पहिले
माघ-२५, चितवनमा पछिल्लो २४ घण्टामा ५१ जना कोरोना संक्रमित थपिदा ४ सय १७ जना संक्रमित निको भएको छ। त्यसैगरी २ जनाको मृत्यु भएको छ।
स्वास्थ्य कार्यालय चितवनको अनुसार पछिल्लो २४ घण्टामा ४ सय १७ जनाको पिसिआर परीक्षण गर्दा ४३ जना र २८ जनाको एन्टीजेन परीक्षण गर्दा ७ जनामा कोरोना पुष्टि भएका छन्।
कोरोना पुष्टि भएको मध्ये भरतपुर महानगरपालिकाको ३४, खैरहनी नगरपालिकाको ५, माडी नगरपालिकाको ६, रत्ननगर नगरपालिकाको ३, राप्ती नगरपालिकाको १, कालिका नगरपालिकाको १ र ईच्छाकामना गाउँपालिकाको शुन्य गरी जम्मा ५० जना कोरोना संक्रमित थपिएका छन्।
चितवनमा सक्रिय संक्रमितको संख्या २ हजार १ सय ४४ जना पुगेको छ। जसमध्ये भरतपुर महानगरपालिकाको १ हजार ३ सय ३३,खैरहनी नगरपालिकाको १ सय ३९, माडी नगरपालिकाको १ सय ८७, रत्ननगर नगरपालिकाको ३ सय ९, राप्ती नगरपालिकाको ९१, कालिका नगरपालिकाको ६१ र ईच्छाकामना गाउँपालिकाको २४ जना रहेका छन्।
सक्रिय संक्रमित मध्ये ३५ जना विभिन्न अस्पतालको आइसोलेसनमा र २ हजार १ सय ९ जना घरको आइसोलेसनमा रहेका छन्।
