सोम, पुस ७, २०८१
३ वर्ष पहिले
केही बेर अघि अत्यधिक भीडका कारण पशुपतिनाथ मन्दिर स्थित रहेको बागमती पुल भत्किँदा एक जना घाइते भएका छन् । पशुपति दर्शन गर्न गएका ३० वर्षीय राजन ओली घाइते भएका छन् । शिवरात्रिका अवसरमा मंगलबार साँझ बागमती नदीमाथि बनेको पुलमा मानिसहरूको धेरै भीड लागेको थियो । भीडका कारण पुलका पर्खाल भत्केर केही भक्तालुहरू नदीमा खसेका थिए । उनीहरूको सकुशल उद्धार गरिएको पशुपति विकास कोषका सदस्य सचिव मिलनकुमार थापाले जानकारी दिए । उनका अनुसार निकै पुरानो पुलले मानिसहरूको अत्यधिक चापलाई थेग्न नसकेर दुर्घटना भएको हो ।
