आइत, पुस २७, २०८१
३ वर्ष पहिले
फागुन-२२, तनहुँको सदरमुकाम दमौली बजारको एक हार्डवेयर पसलमा भीषण आगलागी भएको छ । आइतबार विद्युत् लाइन सर्ट भएको भुपाल हार्डवेयरमा आगलागी भएको बताइएको छ ।
जिल्ला प्रहरी कार्यालय तनहुँका अनुसार आगो नियन्त्रणका लागि एउटा दमकल र चारवटा पानी ट्याङ्कर प्रयोग गरिएको छ।
त्यसैगरी आगो नियन्त्रणका लागि काठमाडौंबाट सिम्रिक एयरको हेलिकोप्टर पनि पुगेको छ । आगो फैलनेक्रम नरोकिएकोले हेलिकोप्टरबाट समेत पानी खसालेर नियन्त्रणमा लिन लागिएको हो ।
हार्डवेयर गोदाममा प्लाइउड, प्लास्टिकका सामान र रंग भएकाले सल्केको आगो छिटो फैलिएको स्थानीयले बताएका छन् । अहिले आगो नियन्त्रणको प्रयास जारी रहेको भइरहेको तनहुँ प्रहरीले जनाएको छ । घटनाबारे विस्तृत विवरणा आउन बाँकी छ ।
