बिहि, अशोज २, २०८१
३ वर्ष पहिले
फागुन-२६, पञ्जाबको विधान सभाको निर्वाचनमा केजरीवालको जादु चलेको छ।
दिल्लीका मुख्यमन्त्री अरविन्द्र केजरीवालको नेतृत्वमा रहेको आम आदमी पार्टी (आप)ले भारतको पन्जाब राज्यमा नयाँ सरकार गठन गर्ने भएको छ ।
२० फेब्रुअरीमा भएको मतदानको मत परिणाम सार्वजनिक भएसँगै पन्जाबमा आम आदमी पार्टीको सरकार बन्ने पक्का भएको भारतीय सञ्चारमाध्यमले जनाएका छन् ।
भारतीय सञ्चारमाध्यमले जनाएका अनुसार आपले पन्जाब विधानसभामा रहेको ११७ मध्ये ९० सिटमा जित हासिल गर्ने देखिएको छ । त्यहाँ सरकार बनाउन केवल ५९ सिट भए पुग्छ ।
दोस्रो स्थानको कंग्रेस पार्टीले १७ सिट र तेश्रो स्थानको शिरोमणी अकाली दलले ७ सिटमा चित्त बुझाउन पर्ने देखिएको छ ।
केन्द्र सरकार चलाइरहेको बीजेपी भने केबल २ सिटमा सीमित भएको छ ।आपको जितसँगै पन्जाबमा भगवन्त मनको नेतृत्वमा आपले नयाँ सरकार बनाउने जनाइएको छ ।
