शुक्र, अशोज ३, २०८१
२ वर्ष पहिले
बैशाख-८, नेकपा माओवादी केन्द्र इच्छाकामना गाउँ कमिटिको विहीबार वसेको वैठकले जिल्लामा सत्ता गठबन्धनले गरेको निर्णयप्रति आपत्ति जनाएको छ ।
इच्छाकामनाको भागवण्डा अवैज्ञानिक, बस्तुगत नभएको भन्दै माओवादीले निर्णयप्रति आपत्ति प्रकट गरेको हो । निर्णयप्रति पुन विचार गर्न अनुरोध गर्ने र अन्यथा यस निर्णयबाट पर्न जाने असरको जिम्मेवारी जिल्ला गठबन्धनले लिनुपर्ने निर्णयमा उल्लेख भएको अध्यक्ष हरि थापाले बताए ।
इच्छाकामनामा प्रमुख, उपप्रमुख सहित ४ वटा वडा कांग्रेसले दावी गरेपछि विवाद उत्पन्न भएको हो । पालिकामा कुल ७ वटा वडा छन् ।
यस अघि भएको स्थानीय निर्वाचनमा नेपाली कांग्रेसले पालिका प्रमुख, उपप्रमुख सहित ३ वटा वडामा जितेको थियो भने माओवादीले १ वडा तथा नेकपा एमालेले ३ वटा वडामा जितेको थियो।
