शुक्र, अशोज ३, २०८१
२ वर्ष पहिले
जेठ-३, चितवनको इच्छाकामना गाउँपालिका वडा नं ५ मा नेकपा एमालेका अध्यक्ष उम्मेदवार तेजबहादुर शेरचन प्यानल सहित विजयी भएको छ।
विजयी उम्मेद्वार शेरचनको ७ सय ५२ निकटतम प्रतिद्वन्द्वी स्वतन्त्र उम्मेदवार जितबहादुर थापाको ३ सय ८४ मत र सत्ता गठबन्धनको तर्फबाट कांग्रेसको मोदराज सिलवालले २ सय १३ मत प्राप्त गरे।
यसैगरि गाउँपालिका अध्यक्षमा एमालेकै दानबहादुर गुरुङ र उपाध्यक्षमा गठबन्धनको माओवादी उम्मेदवार प्रताप गुरुङको अग्रता कायमै छ।
वडा नं ५ सम्म सम्पन्न मतगणनामा एमालेको दानबहादुर गुरुङले ३ हजार ९ सय ५० मत गरी ८ सय १४ मतले अग्रता कायम गरेको छ। सत्ता गठबन्धनको अध्यक्ष उम्मेदवार गीताकुमारी गुरुङले ३ हजार १ सय ३६ मत प्राप्त गरेकी छ।
यसैगरी उपाध्यक्षमा गठबन्धनका प्रताप गुरुङले ३ हजार ५ सय ५७ मत प्राप्त गरि १ सय ६७ मतले अग्रता कायम गरेको छ भने एमाले की माया सिलवालले ३ हजार ३ सय ९० मत प्राप्त गरेको छ।
