जेष्ठ २६, मुग्लिन
अविरल वर्षाका कारण विभिन्न ठाउमा पहिरो खस्दा राजधानी जोड्ने मुख्य राजमार्गहरु अबरुद्ध भएका छन् । पृथ्वी राजमार्ग अन्र्तगत चितवनको इच्छाकामना गा.पा. वडा नं. ४ स्थित घोप्टेभिर नजिकै राति ११ बजे खसेको पहिरोका कारण राजमार्ग ठप्प बनेको छ ।

त्यस्तै मुग्लिन नारायणगढ सडक खण्ड अन्तरगत ४ किलो नजिकै राति ३ बजे खसेको पहिरोका कारण राजमार्ग अबरुद्ध बन्न पुगेको थियो ।

सडक डिभिजन कार्यालय भरतपुरको लोडरको प्रयोग पछि मुग्लिन नारायणगढ सडक खण्ड एकतर्फी सञ्चालनमा आएको छ । ४ किलोको पहिरो हटाएपछि सडक डिभिजन कार्यालयको लोडर यतिखेर घोप्टेभिर नजिकै खसेको पहिरो हटाउने कार्य शुरु गरेको छ ।

पहिरो ठुलो नभएका कारण दुई तर्फी यातायात सञ्चालन गर्न २ घण्टा लाग्न सक्ने प्रहरीले बताएका छन् ।