मङ्ल, मंसिर १०, २०८१
२ वर्ष पहिले
जेठ-३०, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १५ जना नयाँ संक्रमित थपिएका छन् । यो संगै नेपालमा संक्रमित हुनेको संख्या ११ लाख १९ हजार ६ सय २२ जना पुगेको छ ।
२४ घण्टामा २ हजार ८६ जनाको पिसिआर परीक्षण गर्दा ९ जनामा कोरोना पोजेटिभ देखिएको छ । हालसम्ममा ५७ लाख ३० हजार ६ सय ५६ जनाको पिसिआर भएको जनाईएको छ ।
२४ घण्टामा १ हजार १ सय २५ जनाको एन्टिजन विधिबाट परीक्षण गर्दा ६ जनामा पोजेटिभ देखिएको छ । हालसम्ममा १२ लाख १० हजार ६२ जनाको एन्टिजन विधिबाट परीक्षण भएको जनाईएको छ ।
देशभर सक्रिय संक्रमितको संख्या १ सय २ जना रहेको छ । होम आइसोलेसनमा रहनेको संख्या १ सय २ रहेको छ भने संस्थागत आइसोलेसनमा शुन्य संख्यामा रहेको छ।
२४ घण्टामा १३ जना निको भएका छन् । कुल निको हुनेको संख्या ८ लाख ६७ हजार २ सय १७ जना पुगेको छ । नेपालमा कोरोना भाइरस संक्रमित निको हुने प्रतिशत ८६.३८ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोनाबाट मृत्यु हुनेको संख्या शुन्य रहेको छ ।हालसम्म कोरोना भाइरसबाट मृत्यु हुनेको संख्या ११ हजार ९ सय ५२ जना पुगेको छ ।
पछिल्लो २४ घण्टामा क्वारेन्टिनमा बस्नेको संख्या शुन्य रहेको छ । त्यसैगरी आइसीयू र भेन्टिलेटरमा उपचार गर्नेको संख्यापनि शुन्य रहेको छ।
