शुक्र, अशोज ३, २०८१
२ वर्ष पहिले
असार-३२,प्रेस चौतारी नेपाल चितवनका उपाध्यक्ष पत्रकार कृष्ण आचार्यमाथि नेपाल विद्युत् प्राधिकरण भरतपुर वितरण केन्द्रका कर्मचारीहरुले हातपात र दुव्र्यवहार गरेको आरोप लागेको छ ।
भरतपुरमा रहेको विद्युत् प्राधिकरणको शाखा कार्यालयभित्र भोज चलिरहेको सूचनाको आधारमा सूचना संकलन गर्न पुगेका पत्रकार आचार्यमाथि मदिराले मातिएका कर्मचारीहरुले हातपात गरेको पत्रकार आचार्यले बताए ।
भोज चलिरहेको फोटो खिचेर फर्किने क्रममा उनीमाथि मदिराले मात्तिएका कर्मचारीहरुले हातपात गर्दै उनको साथमा रहेको दुईवटा मोबाइलसमेत खोसेर लगेको पत्रकार आचार्यले बताए । जबरजस्ती फुत्किएर विद्युतको कार्यालय परिसरबाट भागेका पत्रकार आचार्यलाई आक्रमणकारीले निकै परसम्म लखेटेका थिए । उनको छाती र हातमा चोट लागेको छ ।
