श्रावण ५, मुग्लिन
दुइवटा यात्रुवाहक सवारी सधान एक आपसमा ठक्कर खादा १ जनाको मृत्यु र १८ घाइते भएका छन् । पृथ्वी राजमार्ग अन्तर्गत चितवनको इच्छाकामना गाउँपालिका वडा नं. ३ स्थित चुम्लिङ्ग नजिकै पानीधारा भन्ने स्थानमा काठमाण्डौबाट बझाङ तर्फ आउदै गरेको ना ६ ख १३४० नम्बरको यात्रुबाहक बस र विपरित दिशाबाट जादै गरेको लु २ ख ३५०२ नम्बरको वीङ्गर बस एक आपसमा ठोक्किएर दुर्घटना भएको प्रहरीले जनाएको छ ।

दुर्घटनामा परी घाइते भएकाहरुको सशस्त्र प्रहरी र स्थानीयहरुको सहयोगमा तत्काल उद्धार गरी ट्रमा सेन्टर कुरिनटार र मनकामना पोलिक्लिनिक कुरिनघाटमा प्रारथमिक उपचार पछि थप उपचारको लागि भरतपुर पठाइएको इलाका प्रहरी कार्यालय मुग्लिनका प्रहरी निरिक्षक सुन्जित तामाङ्गले बताउनुभयो ।

दुर्घटनामा परेका सवारी साधनहरुलाई प्रहरी चौकी कुरिनटारमा राखिएको छ भने बसका चालक इलाका प्रहरी कार्यालय मुग्लिनले आफ्नो नियन्त्रणमा राखिएको निरिक्षक तामाङले जनाएका छन् ।