साउन-२०, आज (शुक्रबार)पनि सुनको भाउ ह्वात्तै बढेको छ भने चाँदीको सामान्य वृद्धि भएको छ।

सुनचाँदी व्यवसायी महासंघका अनुसार आज सुनको भाउ प्रतितोला ७ सय रुपैयाँले बढेर छापावाला सुन प्रतितोला ९६ हजार ८ सय रूपैयाँ र तेजाबी सुनको मूल्य प्रतितोला ९६ हजार ३ सय रुपैयाँ कायम भएको छ ।

अघिल्लो दिन छापावाल सुन प्रतितोला ९६ हजार १ सय रूपैयाँ र तेजाबी सुनको मूल्य प्रतितोला ९५ हजार ६ सय रूपैयाँमा कारोबार भएको थियो ।

यस्तै, आज चाँदीको भाउ प्रतितोला १० रुपैयाँले बढेर १२ सय २० रूपैयाँ कायम भएको छ। अघिल्लो दिन चाँदी प्रतितोला १२ सय १० रूपैयाँमा कारोबार भएको थियोे।