शुक्र, माघ ३, २०८१
२ वर्ष पहिले
कार्तिक-३०, प्रतिनिधिसभा चितवन क्षेत्र नं.२ का गठबन्धनका साझा उम्मेदवार उमेश श्रेष्ठ सवार गाडीमा तोडफोड भएको छ ।
आज विहान भरतपुर महानगरपालिका–१० पुरानो मेडिकल कलेज नजिकै आमा समूहले गरेको कार्यक्रममा सहभागि हुँदै गर्दा ३ वटा मोटरसाइकलमा आएका समूहले ढुंगा हानेर गाडीको सिसा फुटाएका छन् । बा ३ च २०५० नम्बरको हरियो रंगको गाडीमा तोडफोड हुँदा अगाडिको सिसा फुटेको छ ।
तोडफोड गर्नेको खोजी कार्य भइरहेको प्रहरीले जनाएको छ । उम्मेदवार श्रेष्ठ आज विहानैदेखि भरतपुरका विभिन्न क्षेत्रमा घरदैलोमा व्यस्त छन् ।
