शुक्र, माघ ३, २०८१
२ वर्ष पहिले
मंसिर-१४, भर्खरै सम्पन्न आमनिर्वाचनमा चितवन क्षेत्र नं.२ बाट अत्याधिक मतका साथ विजयी भएका राष्ट्रिय स्वतन्त्र पार्टीका सभापति रवि लामिछाने जनताको कामको लागि एक्सनमा उत्रिएका छन् ।
भरतपुर महानगरपालिका–१ अन्तरगत पर्ने रामनगरका बासिन्दाहरुले बर्षौ देखि सहज रूपमा शुद्ध पिउन पानी खान नपाएको समस्या थाहा पाएपछि सांसद लामिछाने त्यहाँको अवस्था बुझ्न मंगलबार रामनगरमा खानेपानी व्यवस्थापनका प्रतिनिधि र स्थानीयहरुसंग छलफल गरे लगत्तै उनले आजदेखि श्रमदान अभियान सुरु गरेका छन्।
रामनगरस्थित नारायणगढ–मुग्लिन सडक खण्ड छेउमै रहेको पुरानो पानी टंकी वरपर बुधबार सरसफाई गरिएको छ । सांसद लामिछाने आफै फिल्डमा उत्रिदै अभियानलाई अगाडि बढाएका थिए । झाडी फाड्दै गरेका लामिछानेले भने–‘मैले जनताको काम गर्छु भनेर राजनीतिमा होमिएको हुँ, त्यसैले जनताको समस्या समाधान गर्न फिल्डमा उत्रिएको हुँ ।’
