आइत, कार्तिक २४, २०८१
२ वर्ष पहिले
मंसिर-२७, कच्चा तेलको मूल्य सन् २०२२ को न्यून स्तरमा झरेको छ।
इकोनोमिक टाइम्समा प्रकाशित एक रिपोर्टका अनुसार कच्चा तेलको मूल्य प्रतिब्यारेल ७६ डलर नजिकै कारोबार भइरहेको छ। जुन गत मार्चमा १२९ डलरबाट तीव्र गिरावट आएपछि २०२२ मा सबैभन्दा न्यून स्तरमा झरेको हो।
यसअघि २०२१ डिसेम्बर १ मा कच्चा तेलको मूल्य प्रतिब्यारेल ६८.८६ डलर थियो। तर, सोमबार अर्थात २०२२ डिसेम्बर १२ मा डब्ल्यूटीआई क्रुड प्रतिब्यारेल ७१.५४ डलरमा कारोबार भएको थियो। योसँगै ब्रेन्ट क्रुडको भाउ प्रतिब्यारेल ७६.४५ डलर पुगेको छ। पश्चिमी देशहरुले रुसी कच्चा तेलमा प्रतिब्यारेल ६० डलरको मूल्य क्याप तोकेपछि कच्चा तेलको मूल्यमा थप गिरावट देखिएको छ।
अन्तर्राष्ट्रिय बजारमा कच्चा तेलको मूल्यमा लगातार गिरावट आए पनि नेपालमा पेट्रोल र डिजेलको मूल्य घटाइएको छैन। नेपालमा लामो समयदेखि पेट्रोल र डिजेलको भाउ स्थिर रहेको छ।
