बिहि, अशोज २, २०८१
२ वर्ष पहिले
पौष १९, मुग्लिन ।
चितवनको इच्छाकामना गाउँपालिकाको विभिन्न गाउमा बौलाहा कुकुरले टोक्दा २५ जना घाइते भएका छन । इच्छाकामना तीन अन्तरगत माझगाउ, नागदह, ढाप, चिसापनीमा बहुलाह कुकुरले आतंक मच्चाएको हो । घरमा काम गरिरहेको र बाटोमा हिडिरहेको अवस्थामा बहुलाकुकुरले टोकेको घाइतेहरुले बताएका छन् ।
कुकुरले टोकेर घाइते भएका पच्चिस जनाको कुरिनटार स्वास्थ्य केन्द्रमा प्राथमिक उपचार गरिएको छ । तिमध्ये गम्भिर किसिमका सत्र जनालाई थप उपचारका लागि भरतपुर अस्पताल पठाइएको छ । बाँकीको इच्छाकामना अस्पतालमा उपचार भैरहेको इच्छाकामना गाउँपालिका स्वास्थ्य शाखा प्रमुख बासु सापकोटाले बताएका छन् ।
गाउँपालिकाले बहुलाह कुकुरलाई नियन्त्रणमा लिइ स्वास्थ्य परिक्षणको लागि भरतपुर पठाएको छ । बौलाहा कुकुरले टोकेका सबैलाई स्वास्थ्य संस्थामा सम्पर्क राख्न गाउँपालिकाले अनुरोध गरेको छ ।
