बुध, मंसिर ११, २०८१
२ वर्ष पहिले
माघ-८, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा संक्रमित हुनेको संख्या १ जना रहेको छ । हालसम्म नेपालमा संक्रमित हुनेको संख्या ११ लाख ५३ हजार ३ सय ५० जना पुगेको छ ।
२४ घण्टामा ६ सय ७४ जनाको पिसिआर परीक्षण गर्दा कोरोना संक्रमितको संख्या १ जना रहेको छ । हालसम्ममा ६० लाख ५ सय ९७ जनाको पिसिआर भएको जनाईएको छ।
पछिल्लो २४ घण्टामा एन्टिजन विधिबाट कुनै परीक्षण नहुँदा संक्रमित हुनेको संख्या पनि शुन्य रहेको छ। हालसम्ममा १४ लाख ९२ हजार २ सय ३८ जनाको एन्टिजन विधिबाट परीक्षण भएको जनाईएको छ ।
२४ घण्टामा निको हुनेको संख्या ४ रहेको छ । कुल निको हुनेको संख्या ९ लाख ९० हजार ३४ जना पुगेको छ । नेपालमा कोरोना भाइरस संक्रमित निको हुने प्रतिशत ८६ रहेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोनाबाट मृत्यु हुनेको संख्या शुन्य रहेको छ ।हालसम्म कोरोना भाइरसबाट मृत्यु हुनेको संख्या १२ हजार २० जना पुगेको छ ।
हाल देशभर सक्रिय संक्रमितको संख्या २२ जना रहेको छ।
