फागुन-१२, आज (शुक्रबार) साताको कारोबारको अन्तिम दिन सुनको तथा चाँदी भाउ सामान्य रूपमा घटेको छ।

सुनचाँदी व्यवसायी महासंघका अनुसार आज सुनको भाउ प्रतितोला एक सय रुपैयाँले घटेर छापावाला सुन १ लाख २ हजार ४ सय रूपैयाँ र तेजाबी सुनको मूल्य प्रतितोला १ लाख १ हजार ९ सय रुपैयाँ कायम भएको छ ।

बिहीबार छापावाल सुन प्रतितोला १ लाख २ हजार ५ सय रूपैयाँ र तेजाबी सुनको मूल्य प्रतितोला १ लाख २ हजार रूपैयाँमा कारोबार भएको थियो ।

यस्तै, आज चाँदी प्रतितोला १० रुपैयाँले घटेर १२ सय ७५ रूपैयाँ कायम भएको छ।

बिहीबार चाँदीको भाउ प्रतितोला १२ सय ८५ रूपैयाँमा कारोबार भएको थियो।