आइत, अशोज ५, २०८१
१ वर्ष पहिले
चैत्र -२४, इजाजत प्राप्त हातहतियार बुझाउन जिल्ला प्रशासन कार्यालय चितवनले निर्देशन दिएको छ।
आगामी वैशाख १० गते चितवन क्षेत्र नं २ को प्रतिनिधिसभाको सदस्यको उप-निर्वाचनलाई शान्तिपूर्ण र भयरहित वातावरणमा सम्पन्न गर्न इजाजत प्राप्त सबै हतियार बुझाउन प्रशासनले निर्देशन दिएको हो।
प्रशासनले चैत्र मसान्त भित्र आ-आफ्नो नजिकको प्रहरी कार्यालयमा हातहतियार बुझाउन सार्वजनिक रूपमा सूचना प्रकाशित गरिएको सहायक प्रमुख जिल्ला अधिकारी चिरञ्जीवी शर्माले बताए।
यदि कसैले सुचनाको अवज्ञा गरेको पाइएमा कानुनबमोजिम कारबाही गरिने प्रशासनले जनाएको छ।
